Масжудул-ҳарам карантиннен кейин қайта ашылды

Мешитте ҳǝзирше Саудия Арабстаны пуқаралары ҳǝм короллықта жасаўшылар ибадат етиўи мүмкин.

Саудия Арабстанында мǝмлекеттеги тийкарғы ҳǝм дүньядағы ең үлкен ал-Ҳарам мешити ибадат етиўшилер ушын ашылды. Бул ҳаққында Ливанның The Daily Star басылымы хабар бермекте.

Жети айдан берли дǝслепки мǝрте мешитте ибадат етиўге рухсат берилди - мешит бул ўақыт даўамында коронавирус пандемиясы себепли карантинге жабылған еди.

Хабарда белгиленгенине қарағанда, мешитте ҳǝзирше Саудия Арабстаны пуқаралары ҳǝм короллығында жасаўшылар ибадат етиўи мүмкин.

Саудия Арабстанында алдын шеклеўлер жеңиллестирилип, жергиликли халыққа Умра зияраты ушын рухсат берилген еди.

Апрель айында Саудия Арабстаны короллығы шаңарағының 150 ден артық ағзалары коронавирус кеселлигин жуқтырганы хабар қылынған еди. Мǝмлекетте пандемия басланғанынан берли 340 мыңнан аслам адам кеселликке шалынған, олардан 5, 1 мың адам қайтыс болған.

Дерек: Kun.uz

  • 106 мәрте оқылды

Paziylet.uzҚарақалпақстан мусылманлары қазыяты веб-сайты