Муфтий ҳǝзиретлери сурхандǝрьялы имам-хатиблер менен ушырасты

25-ноябрь күни Ѳзбекстан мусылманлары басқармасы баслығы, муфтий Усмонхон Алимов ҳǝзиретлери, Дин ислери бойынша комитет баслығы Абдуғофур Аҳмедов ҳǝм «Вақф» қайырқомлық жǝмийетлик фонды баслығы Яҳё Абдураҳмоновтың Сурхандǝрья ўǝлаятына хызмет сапары даўам етти.

Күнниң екинши ярымында имам-хатиблер қатнасыўында жыйналыс болып ѳтти. Бул жыйналыста сѳзге шыққан баянатшылар тǝрепинен тараўда алып барылып атырған жумыслар талқыланып, ǝмелдеги мǝселелер тыңланды, шешими бойынша анық усыныслар берилди. Соның менен бирге, бүгинги күнде имам-хатиблер алдында турған зǝрүрли ўазыйпалар, жумыс искерлигин жǝне де жетилистириў ҳǝм жаўызлыққа қарсы мǝрипат пенен гүресте олардың орны сыяқлы мǝселелерге айрықша итибар қаратылды.

Жыйналыста мǝмлекетимиз бойлап алып барылып атырған кең кѳлемли реформалардың мазмун-мǝниси, бүгинги тыныш ҳǝм қǝтержам күнниң қǝдирине жетиў ҳǝм шүкирлик сезими менен жасаўға айрықша тоқталып ѳтилди.

Жыйналыста «Вақф» қайырқомлық жǝмийетлик фондының жаңа баслығы Яҳё Абдураҳмонов қатнасыўшыларға таныстырылды ҳǝм келешекте бирге ислеў бойынша келисип алынды.

Ѳзбекстан мусылманлары басқармасы Баспасѳз хызмети

  • 117 мәрте оқылды

Paziylet.uzҚарақалпақстан мусылманлары қазыяты веб-сайты