Халық аралық ислам академиясына жаңа баслық тайынланды

Музаффар Комаловқа Ѳзбекстан халық аралық ислам академиясының ректоры ўазыйпасын орынлаў жүклетилди. Бул ҳаққында Әдиллик министрлиги хабар берди.

Атап ѳтилиўинше, ҳүкиметтиң 2021-жыл 25-май кунги 323-сан қарары менен Министрлер Кабинети жанындағы Дин ислери бойынша комитет баслығының биринши орынбасары Музаффар Комаловқа Халық аралық ислам академиясы ректоры ўазыйпасын орынлаў жүклетилди.

Музаффар Комалов илгери Жоқары ҳәм орта арнаўлы билимлендириў Министирлигинде басқарма баслығы, Ташкент мәмлекетлик шығыстаныў институты ҳәм Ташкент мәмлекетлик экономика университетлеринде проректор лаўазымларында жумыс ислеген. Ол Министрлер Кабинетиниң 2018-жыл 18-апрельдеги шешимине муўапық Дин ислери бойынша комитет баслығының биринши орынбасары етип тайынланған.

2019-жылдан берли Ѳзбекстан халық аралық ислам академиясына президенттиң жәмийетлик ҳәм диний шѳлкемлер менен бирге ислесиў мәселелери бойынша мәмлекет мәсләҳәтшиси Рустам Қосимов ректорлик етип киятырған еди. Ол 2021-жыл 7-май күни қайтыс болды.

Алдын, Шоазим Миноваров Ѳзбекстан президентиниң жәмийетлик ҳәм диний шѳлкемлер менен бирге ислесиў бойынша мәмлекет мәсләҳәтшиси лаўазымында жумыс баслағаны хабар қылынған еди.

Дерек: kun.uz

  • 174 мәрте оқылды

Paziylet.uzҚарақалпақстан мусылманлары қазыяты веб-сайты