Бисмиллаҳир Роҳманир Роҳийм
“Әлбетте, Аллаҳтың зикири (бәрше нәрседен) уллы” (Анкабут сүреси, 45-аят) деп баян еткен Аллаҳ таалаға ҳамду мақтаўлар болсын!
“Аллаҳ зикр етилетуғын үй менен Аллаҳ зикр етилмейтуғын үй тири ҳәм өликке уқсайды” (Муттафақун алайҳи) деп үмметлерине зикрдиң пазийлетлерин гөззал мысаллар менен жеткизген Ҳабибимиз Расулуллаҳ саллаллаҳу алайҳи ўасалламға дуруду салаўатлар болсын!
Каъбул Аҳбор раҳимаҳуллаҳ айтады: “Алланың зикри менен үйиңизди нурға толтырың. Шаңарағыңызға намазыңыздан болатуғын қуўанышты алып кириң. Аллаҳға ант, әлбетте, олардың атлары аспан әҳлине мәлим. Олар: “Пәленкес үйин Алланың зикри менен беземекте”, дейди”.
Каъб рахматуллаҳи алайҳ деди: «“Субҳаналлаҳ”, “Әлҳәмдулиллаҳ”, “Лаа иләҳә иллаллоҳ” ҳәм “Аллаҳу әкбар” зикрлери Арштың әтирапында пал ҳәррелериниң ызылдаўы сыяқлы еситиледи. Олар өз ийесин ҳәм оның саўаплы әмеллерин зикр етип турады».
Даврон НУРМУҲАММАД
Muslim.uz сайтынан Шоманай районы «Сапар ата» мешити имам-хатиби Рашид Әўезбаев таярлады.
Қарақалпақстан мусылманлары қазыятының рәсмий веб-сайты