Жобир разияллаҳу анҳудан рәўият етиледи:
«Бир адам Набий саллаллаҳу алайҳи ўасалламға:
«Айтыңыз, егер парыз намазларын оқысам, Рамазан (ораза) ын тутсам, ҳадалды ҳадал, ҳарамды ҳарам деп билсем ҳәм буған ҳеш-нәрсени қоспасам жәннетке киременбе?», деди.
Пайғамбарымыз: (саў)
«Аўа», деди.
«Аллаҳ таалаға ант, әне усы нәрсеге ҳеш нәрсени қоспайман», деди».
Муслим рәўият еткен.
Түсиник: Бул мәнидеги басқа рәўиятлар да болып, оларда кәлийма шәҳәдат, закат ҳәм басқалар да зикир етилген. Әлбетте, бул парызлар бендениң жәннетке кириўин тәмийинлейтуғын әмеллердур. Енди бул рәўиятда зикир етилген нәрселерди бирме-бир кѳрип шығайық:
Демек, парыз намазларын ѳз ўақтында оқып барыў бендениң жәннетке кириўине себеп болатуғын әмеллерден бири.
Парыз намазын оқымайтуғын ямаса шала оқыйтуғынлар буған ерисиўди үмит етпесе де бола береди.
Мүбарек Рамазан шарип айының оразасын ықлас пенен тутыў ҳәм бендениң жәннетке кириўине себеп болатуғын ибадат.
Усы ҳәдис шарипти усы бапта келтирўден мақсетимиз де усы. Ораза тутыў қәншели саўапқа ийе екенлигин усыннан-ақ биле бериң.
3.«Ҳадалды ҳадал, ҳарамды ҳарам деп билсем».
Демек, жәннетке кириўди қәлеўши бенде Аллаҳ таала ҳадал еткен нәрсени ҳадал деп билиўи, ҳарам еткен нәрсени ҳарам деп билиўи ҳәм буған әмел етиўи лазым. Бул да намаз оқыў ҳәм ораза тутыў киби зәрүр.
Ҳәдисте зикир етилген «буған ҳеш нәрсени қоспасам жәннетке киременбе?» деген сөзден «намаз оқып, ораза тутып, ҳадалды ҳадал билип, ҳарамды ҳарам санап жүрген адам ийман келтирмесе де, басқа ибадатларды инкар етсе ямаса ада етпесе де жәннетке кире беретуғын екен», деген пикир шықпаўы керек. Бәлки усы баптағы ҳәдислерди жәмлеп үйренип, салыстырып көрип, жуўмақ шығарған мақул. Ислам дининде көрсетилген исеним ҳәм ибадатларды толық ада еткен адам ғана ҳақыйқый мусылман болады ҳәм жәннеттен орын алады. Бул ҳақыйқат Қураны кәримның кѳплеген аятларында ҳәм ҳәдис шариплеринде ашық-айдын баян етилген.
«Ҳадис ва ҳаёт» китабынан Даўытбай Беканов таярлады.
Қарақалпақстан мусылманлары қазыятының рәсмий веб-сайты