ЖУЎАП: Бисмиллаҳир Роҳманир Роҳим. Динимизде ифтарлықты тезлестириўге шақырылған, аўыз ашыў кɵзкɵреки шам намазынан кейинге ɵткериў сүннетке қылап болып есапланады. Себеби Расулуллаҳ саллаллаҳу алайҳи ўасаллам ǝдетте алдын аўыз ашып, кейин шам намазына ɵтетуғын еди.
Анас разияллаҳу анҳудан рǝўият етеди: Ол айтатуғын еди: “Расулуллаҳ саллаллаҳу алайҳи ўасаллам намаз оқыўдан алдын аўызын қурғақ хурмалар менен ашатуғын еди...” (Имам Абу Дауыд рǝўияты).
Демек, ораза тутыўшы шам намазының ўақты кириўи менен аўзын ашып, шɵлин қандырып алғаннан кейин шам намазын оқыўға кирисиў мақсетке муўапық екен. Ифтарды тезлетиў абзаллығы бойынша ҳǝдиси шәрифте сондай делинген:
Саҳл ибн Саъд разияллаҳу анҳудан рǝўият етилген ҳǝдисте, Расулуллаҳ саллаллаҳу алайҳи ўасаллам: “Инсанлар аўыз ашыўды тезлестирсе, жақсылықта даўамлы болады”, деген (Имам Бухарий рǝўияты).
Басқа бир рǝўиятда: Абу Ҳурайра разияллаҳу анҳудан рǝўият етилген ҳǝдисинде Нәбий саллаллаҳу алайҳи ўасаллам: “Аллаҳ әззә ўǝ жәлләа: “Бенделеримниң маған ең сүйиклиси, олардың тезирек аўыз ашқанларыдур”, деди (Имам Аҳмад ҳǝм Имам Термизий рǝўият еткен).
Бул ҳǝдислерден келип шығып, пуқараларымыз қуяш батыўы менен намаздан алдын аўыз ашыў мустаҳаб болып табылады, деген (“Раддул муҳтор”). Бул ҳүким барлық парыз ҳǝм нәпил оразалардың барлығына тийисли болып табылады. Себеби, буған байланыслы пайда болған ҳǝдислер парыз оразаларға тийкарланған емес. Ўаллаҳу алам.
ϴзбекстан мусылманлары басқармасы Пǝтиўа орайы.
Интернет материалларынан Даўытбай БЕКАНОВ таярлады.
Қарақалпақстан мусылманлары қазыятының рәсмий веб-сайты